Virgo Martiri sagrada,
            salve Barbara diciosa,
            o Patrona Gloriosa
            de Sinnia grand’Abogada.
                O Patrona Gloriosa
                de Sinnia grand’Abogada.

  1.Eroina vittoriosa
     In sa fidi de Gesusu,
     assisti is devotus Tuus
     in custa vida penosa.
     Aundi ses Prodigiosa
     Donasì una mirada.
                O Patrona Gloriosa
                de Sinnia grand’Abogada.

  2.In sa fidi grandiosa,
     eccisu de ammirai,
     virtudi de imitai,
     in gherra vittoriosa,
     in sa via dolorosa
     magnifica Ses istada.
                O Patrona Gloriosa
                de Sinnia grand’Abogada.

  3.Unu babbu inumanu,
     Ti hat donau sa morti.
     Ma in sa celesti sorti,
     T’arricit su Soberanu,
     e po sa crudeli manu,
     in sa gloria ses’intrada.
                O Patrona Gloriosa
                de Sinnia grand’Abogada.

  4.Cun santa pregadoria,
     custa filla virtuosa,
     domandat fiduciosa
     a sa sacra Signoria,
     perdonu e sabidoria
     po chi’ dd’hat decapitada.
                O Patrona Gloriosa
                de Sinnia grand’Abogada.

  5.Eccelsa candida rosa,
     vera palma de vittoria,
     a su gosu de sa gloria
     nos si portis generosa.
     Tui tanti speciosa,
     de totus meda invocada.
                O Patrona Gloriosa
                de Sinnia grand’Abogada.

  6.Po nosu devotus Tuus,
     o Patrona portentosa,
     in sa vida turmentosa
     a nos ottenni de Gesus
     fortalesa e fidi prus
     Tui de grazias coronada.
                O Patrona Gloriosa
                de Sinnia grand’Abogada.

                Virgo Martiri sagrada,
                salve Barbara diciosa,
                o Patrona Gloriosa
                de Sinnia grand’Abogada.