Cun Passau Gloriosu
            in sa fidi cristiana,
            o Cresia Calaritana,
            esulta cun grandu gosu.

  1.Dexi lustrus preziosus,
     passaus cun riccu zelu
     sunti scrittus in su celu
     de alabanza meritosus.
     Onoris meda donosus
     e cuntentu gioiosu.
            O Cresia Calaritana,
            esulta cun grandu gosu.

  2.Arrici cust’ “ora bona”,
     chi nosaterus ti feus,
     aici s’ascultit Deus,
     cun Mamma nostra Patrona:
     amori e luxi dona
     a su populu festosu.
            O Cresia Calaritana,
            esulta cun grandu gosu.

  3.“Cinquant’Annus” di Oru
     grand’Apostulu de Gesus,
     festa manna po fillus tuus
     chi consolat dogna coru,
     sunti prendas e tesoru,
     de unu Babbu virtuosu.
            O Cresia Calaritana,
            esulta cun grandu gosu.

  4.Is sessant’annus de coru,
     boleus augurai,
     chi ddus pozzas celebrai,
     comenti cussus di oru.
     De pregai mi onoru,
     ch'in Gloria intris diciosu.
            O Cresia Calaritana,
            esulta cun grandu gosu.